ماهو المجمع السكني وماهي الوحدات العقارية داخل المجمع السكني ؟

ماهو المجمع السكني وماهي الوحدات العقارية داخل المجمع السكني ؟

ماهو المجمع السكني وماهي الوحدات العقارية داخل المجمع السكني ؟

ماهو المجمع السكني وماهي الوحدات العقارية داخل المجمع السكني ؟

ماهو المجمع السكني وماهي الوحدات العقارية داخل المجمع السكني ؟

ماهو المجمع السكني وماهي الوحدات العقارية داخل المجمع السكني ؟

ؤ

ماهو المجمع السكني وما هي أنواع الوحدات داخله ؟

أولا: المجمع السكني عبارة عن مجموعة من العقارات مغلقه بسور وله بوابات أمن وحراسة وبه كل الخدمات التي تحتاج لها كساكن وأماكن ترفيهية وتختلف نوع الخدمات المقدمة في المجمعات السكنية تبعا لسعر العقارات في المجمع و الشركة المنفذة للمشروع السكني و تختلف الخدمات أيضا بسبب اختلاف نوع العقارات داخل المجمع السكني فهناك مجمعات مؤلفه من شقق فقط ويوجد مجمعات فلل فقط وهناك مجمعات مختلطة بين أنواع  الشقق السكنية   والفلل ( انواع الشقق والفلل مختلفة ) .

ثانيا: أنواع العقارات داخل المجمعات السكنية :

1- الشقق السكنية وهي وحدات سكنية داخل المجمع وتكون ذات أحجام ومساحات وإطلالات وأسعار مختلفة

2- البنتهاوس  وهي عادة تكون شقة سكنية في الطابق الأعلى من المجمع السكني  و تمتلك ملحق فى سطح المبنى كما يتواجد بها حمام سباحة و تراس .

3- الدوبلكس وهي شقق سكنية ولكنها مؤلفة من طابقين يتصلان ببعضهما بدرج داخلي

4- التاون هاوس :  وهي  فلل متصلة بحديقة صغيرة  و ويطلق مصطلح تاون هاوس على المنازل التي تملك حدائق صغيرة  و “متجاورة ” فى صف مخطط .

5- التوين هاوس وهي  فيلا شبه متصله  أي انه تنقسم لقسمين  لكل قسم منهم مدخل خاص به و حديقة من 3 جوانب و ملهاش غير جار واحد بس و بيكون ليها بوابة خاصة .

– أي أن التوين هاوس و التاون هاوس نوعين مختلفين من الفلل و الفيلا وهي بيت مستقل و بيكون له حديقة خاصة .

6- الفلل المنفصلة و هي عبارة عن عقار مستقل و له حديقه  و بوابة خاصة  و سور يحيط بيها من جميع الجوانب ، و بداخل الفلا كل الخدمات السكنية ( مطبخ و حمام و غرف معيشة و إستقبال ) و عادة ما تكون الفيلا المستقلة من طابقين أو ثلاثة طوابق .
لتستطيع اختيار بين السكن في المجمع السكني أو عقار منفصل يجب أن تتعرف على مميزات و عيوب السكن في المجمع السكني أو السكن في عقار منفصل

مميزات و عيوب السكن في المجمع السكني أو في عقار منفصل

1-  الحياه داخل مجمع سكني سكني :

ما هي مميزات انك تعيش في عقار داخل المجمع السكني ؟ 

1- الانعزال :

تعتبر من أهم المميزات في داخل المجمعات السكنية  وذلك أنه يعتبر مجتمع منفرد مغلق و يكون محاط بأبواب و جدران و ذلك يوفر جزء كبير من الخصوصية وهذه الميزه مفيدة جدا في المدن المكتظة وللطلاب ولمن يعملو فترات طويلة ويحتاجون الهدوء .

2- الحراسة :

وهذه الميزة تشعرك بالأمن والأمان وخاصة لمن يكون مبتعد عن شقته في فترات دوام طويل أو خلال الليل وهي من اكثر مميزات الحياة  داخل المجمع السكني .

3- الهدوء :

عدد السكان الموجودين في أي مجمع سكني محدود بحسب عدد الوحدات المتواجدة في المكان , كما أن تواجد المساحات الخضراءالواسعة تساعد في تقليل الإزدحام ان وجد .

4 – الخدمات :

المجمع السكني مبني على مفهوم الرفاهية ،و ان سكان المجمع يكونون في اكتفاء ذاتي داخل المجمع من حيث الخدمات وأغلب الإحتياجات اليومية مما يوفر لهم الوقت والجهد و التعب .

5 – الخصوصية :

مفيش أي حد و هو جاي يبني عمارة أو و هو بيبع شقة عندة انه هيقدر يوفر للسكان خصوصية لكن لما تيجي تسكن في كمبوند من اهم الحاجات اللي  بيعتمد عليها

طريقة البناء ان يكون في اقصي درجات الخصوصية  و الاستقلالية في كل مكان في الكمبوند.

6 – وحدة الشكل وطريقة المعمار الهندسي:

من أهم المميزات الواضحة في أي كمبوند هو وحدة الشكل الهندسي بتاع الكمبوند و ان كل المباني شبه بعض و معمولة بشكل جمالي يخليك مبسوط و ان ساكن في مكان زي دا .

7 – الاماكن الترفيهية : 

بالرغم ان وجود اماكن ترفيهية ممكن يكون محدود شوية جوا الكمبوند وان في اختيارات اكبر برا الكمبوند

و بس برده الكمبوند بيوفر انواع من الاماكن الترفيهية اللي ممكن تقضي فيها وقت كويس لو ان مش عايز تخرج برا.

8 – جراج :

انك تلاقي مكان تركن فيه عربيتك من غير ما حد يقولك انت ركنت هنا ليه دا مكاني او دا تحت بيتي انا , الكمبوند دايما بيوفر جراج لكل العربيات

من غير ما يبقى زحمة او تقعد نص ساعة تدور تركن فيه.

9 – المواصلات :

المواصلات كمان بتكون من المميزات الموجودة في الكمبوند وده عشان دايما الكمبوند بيوفر اتوبيسات لسكان الكمبوند بتوديهم لتقريبا كل الاماكن في القاهرة

و أتوبيسات كمان ترجعهم في محطات معروفة  وبس مش كل الكمبوندز بتوفر الخدمة دي بس هي موجودة في بعض الكمبوند و بتكون خدمة كويسة و مفيدة جدا.

10 – المساحات الخضراء :

المساحات  الخضراء الواسعة هي واحدة من أكثر مميزات العيشة في الكمبوند.

واللي بتساعد انك تحس بجمال الطبيعة و انك تتنفس هواء نقي.

ما هي عيوب السكن في المجمع السكني ؟

فكرة المجمع السكني “الكمبوند” في الاساس اتعملت عشان نتجنب شكوي السكان من أي عيوب أو  أي مشاكل سكنية او عشان الناس اللي بتبقى عايزة تعيش في مكان بعيد عن كل حاجة

و بالرغم من ان في مميزات كتيرة بس برده الكمبوند بيكون فيه عيوب كمان.

1-التقييد، المحدودية الاختيارات:

من العيوب الموجودة  في الكمبوند ان المساحة و أنواع و مقدمي الخدمات محدودين و دايما هتكون محتاج تطلع برا الكمبوند عشان تقدر تحس بتغير

من العيوب كمان انك بتبقى بعيد عن عيلتك او أهلك و منعزل عنهم جوا الكمبوند و كمان لما بيجوا مش بتقدروا تخرجوا معاهم جوا الكمبوند في كل الاماكن لان الزوار بيكون لهم دخول محدود

شوية عن سكان المكان فبتحسوا شوية بالتعقيد.

2-بُعد المكان: 

صحيح يوجد بعض الكمبوندز بتكون قريبة من وسط المدينة و طريقها بيكون سهل بس في كمبوندز تانية بتكون بعيدة في بتخلي انك عشان تخرج برة و توصل

لوسط البلد المشوار ممكن ياخد اكثر من ساعتين

3- غلاء الاسعار:   

بالطبع عشان بيكون فيها خدمات كتير و مساحات خضراء و حراسة و امن و كل الحجات دي دا بيخلي الاسعار اغلى شوية عن العمارات السكنية اللي مش جوا

كمبوندز و كمان السلع اللي بتتباع جوا الكمبوندز بتكون دايما اغلى من اي مكان تاني ودا بسبب طبيعة الحياة اللي موجودة داخل الكمبوند


2- الحياة في عقار منفرد ( خارج المجمع السكني ) :

ما هي مميزات الحياة في عقار خارج الكمبوندز ؟

معظم المصرين سبق و عاشوا في عقارات خارج الكمبوندز وعارفين عيوب و مميزات السكن فيه

والمميزات دي بتتلخص في :

1-التنوع

التنوع و التجدد من أهم مميزات الموجودة في انك تسكن في مكان برا الكمبوند بيكون من السهل تروح اماكن ترفيهية و تخرج و بيكون سهل اكتر تلاقي اي حاجه انت محتاجها من غير تقييد او محدودبة في الاختيار

2-الخدمات المتاحة

بسبب ان الاحياء بتبقا موجودة و في ناس ساكنة من زمان و انها مفتوحة و مش مقيدة بابواب و حراسة دا بخلي الخدمات المتاحة في كل منطقة اكثر بكتير من الخدمات الموجودة جوا الكمبوند و

انه كمان بيكون عندك اختيارات كتير ممكن نقرر الانسب ليك .

3-الاسعار:

بالطبع اسعار العقارات بتكون اقل بكتير من اسعار العقارت و الوحدات داخل الكموبوندز بس مش لازم في كل الاماكن ، في اماكن و احياء الاسعار فيها بتكون اغلى من الكمبوندز

4-القرب:

العقارات اللي مش داخل كمبوند اكيد اقرب كتير لكل الاماكن و مش بتاخد و قت كبير و خطط لو انت محتاج تروح اي مكان، كمان بيكون في مواصلات كتير اللي ممكن تروح بيها اي مكان انت

محتاج تروحه خصوصا لو في أوراق رسمية محتاج تخلصها مثلا.


ما هي عيوب الحياه في عقارات سكنية خارج ” المجمعات السكنية” ؟

1 – الدوشة و الزحمة 

طبعا اهم عيب ممكن تفكر فيه لو انت معظم الاماكن في القاهرة ان الدينا زحمة و دوشة و مفيش هدوء تماما

2 – العربيات و الجراجات :

ولو اتكلمنا كمان لو عندك عربية لما بتقعد كل يوم نص ساعة عقبال ما تلاقي مكان تركن فيه، و لو في جراج قريب منك مش دايما بردو بتلاقي فيه مكان لان الجراج بيكون حجمة صغير في الغلب

و السعة بتاعته مش بتخدم كل المنطقة

3-مفيش امن و حراسة :

طبعا الدنيا امان و مش بيحصل جرائم كل يوم في الشارع / بس الحراسة اللي بتبقى متوفرة داخل اي كمبوند بتخلي اي شخص يحس بأطمئنان اكثر و تخليه

مش خايف يصحا الصبح يلاقي عربيته اتسرقت.

4 – مفيش خصوصية :

المعروف في عقارات القاهرة ان معظم العماير مش بيكون في مساحة كافية بينها و بين العمارة  الاخرى و دا بيرجع للزحمة و التعداد السكاني الكبير اللي عايش جوا القاهرة الكبرى و دا بيخلق نوع من عدم الخصوصية و التدخل

5 – قلة المساحات الخضراء :

الكمبوندز دايما بتاخد بالها من الشكل الجمالي للمجتع اللي بتنشأه و عشان كده بتلاقي دايما في مساحات خضراء كبيرة و معمولة باهتمام و تنوع لكن في الاحياء العادية مش دايما بيكون في

جناين او بيكون في مساحة عشان يكون في مساحات خضراء كبيرة.

كل العيوب و المميزات اللي قلناها في الدليل دا كنا بنحاول نساعدكم  و انتوا بتختاروا اي مكان بانكم تكونوا عارفين عيوبة و مميزاته عشان تقدروا تقرروا صح. 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

مقالات قد تعجبك

مقارنة

أدخل الكلمات المفتاحية